La primavaira bletscha ha fatg in stritg atras il quint als apiculturs – la racolta dad quest onn è stada sut la media da plirs onns. Il 2023 èn vegnì racoltà var 17 kilos mel per pievel d’avieuls. Quai èn trais kilos pli pauc che normalmain.
Motiv è la primavaira da plievgia, che er la stad chauda n’ha betg pudì cumpensar. Quai rapporta il Servetsch d’infurmaziuns agriculas. La racolta da la primavaira è sa reducì sin 6 kilos mel d’avieuls per pievel; pia sut la mitad annuala. 36% dals pievels d’avieuls n’han insumma betg producì mel la primavaira.
La chalira da la stad n’ha persuenter strusch impedì ils animals; però datti grondas differenzas regiunalas. En l’Ost ed il Nord è la racolta stada pli bassa; en la Svizra dal Vest, il Grischun ed il Tessin pli auta.
Or da l'archiv:
