-
Bild 1 von 3Legenda: Ils avieuls en ina chista, suren fan els mel, suten la cuada. RTR, H. Giger -
Bild 2 von 3Legenda: L'avieuler d'Andreas Pfister. RTR, H. Giger
-
Bild 3 von 3Legenda: Mintga pievel vegn valità. RTR, H.Giger
Andreas pfister ha ses avieuler sur il vitg da Sedrun a Pitgmun. Là tegn el ils 11 pievels ch'el controllescha (in è mort durant l’enviern). A quels dat el puncts, respectivamain notas tranter 1 e 4.
Sch'in pievel ademplescha tut ils criteris survegn el la nota quatter.
In criteri impurtant è la varoa
Impurtant saja da guardar co ch'in pievel reagescha envers la malsogna da la varoa e quant resistent ch’el saja encunter quella (60% da la valitaziun).
Plinavant vegn il mel pasà la fin da la stagiun per savair quant ch’ils avieuls hajan producì. En pli veglian ins er quant agressiv ch’in pievel è. Pli pauc ch’in pievel attatga e meglier ch’el è, e quai è impurtant sch’in apicultur vul avair avieuls en vischinanza da chasas.
Gidar ils apiculturs da trair buns pievels
Andreas Pfister ha gia fatg part avant trais onns a quest program, sco el ha ditg ad RTR. La finamira da quel saja da gidar ils apiculturs da trair buns e ferms pievels e da far progress en la tratga dals avieuls da la sort «carnica».
RR actualitad 06:00