Sch’ins patratga vi dad avieuls lura segir vi dals avieuls da mel. En Svizra datti 615 differentas sorts avieuls, ina da questas sorts è l’avieul da mel domesticà, ils ulteriurs avieuls èn avieuls selvadis.
Ed il avieuls selvadis èn per l'impollinaziun savens pli impurtants ch’ils avieuls da mel. Dentant la situaziun da quests animalets è alarmanta. La mesadad da tut las sorts d’avieuls è periclitada. Las raschuns: adina pli paucas flurs selvadias, strusch pussaivladads da far gnieus e pesticids en l’agricultura. I dat dentant mesiras che mintgin e mintgina po far per gidar ils animalets nizzaivels.
- Laschar crescher ina part dal curtin selvadi, uschia chattan ils avieuls vivonda.
- Cumprar products producids a moda biologica.
- Porscher hotels d’avieuls u d’insects. (mira sut)
La prestaziun da fructifitgar d'insects vegn schazegiada sin 167 milliardas francs sin l'entir mund e 350 milliuns francs en Svizra.
Senza ils avieuls dessi 23% pli paucs fritgs, 22% pli pauca granezza e 16% pli paucs legums sin l'entir mund.
Per consequenza dal malnutriment dessi 1,5 milliuns mortoris supplementars ad onn sin l'entir mund.
-
Bild 1 von 12. 614 sorts avieuls selvadis datti en Svizra. Radund 150 da quellas fan lur gnieu en talas channas. Bildquelle: MAD.
-
Bild 2 von 12. Tar ils avieuls da mirs cun corns posseda mo la femella corns. Ella è in zic pli gronda ch'il mastgel. Lez ha persuenter chavelins alvs sin il tgau. Bildquelle: MAD.
-
Bild 3 von 12. La primavaira è il BeeHome bunamain vit, ils avieuls dorman anc. Bildquelle: RTR, Angela Hendry.
-
Bild 4 von 12. Uschia vegnan ils cucuns dals avieuls tramess a chasa per metter els en il BeeHome. Bildquelle: RTR, Angela Hendry.
-
Bild 5 von 12. Radund 300 meters sgola in avieul selvadi, e quai enfin 50 giadas a di. Uschia fructifitgescha el enfin 5'000 fluras a di. Bildquelle: MAD.
-
Bild 6 von 12. Avieuls da mir bajegian giu arschiglia per far mir tranter las cellas da gnieu. Bildquelle: MAD.
-
Bild 7 von 12. Cura ch’ina channa è plaina vegn ella serrada giu cun arschiglia. Bildquelle: MAD.
-
Bild 8 von 12. Sin questa surfatscha dad 88 meters quadrats dastga crescher tge che less. Ils avieuls han laschà gustar il buffet. Il giat sa numna Mischka. Bildquelle: RTR, Angela Hendry.
-
Bild 9 von 12. Ils avieuls èn stads lavurus: ils 25 avieuls han procurà per radund 125 descendents. Bildquelle: RTR, Angela Hendry.
-
Bild 10 von 12. Quai è il cuntegn d’ina channa. 6 cellas da gnieu, ina cuntegn parasits. Bildquelle: RTR/ Angela Hendry.
-
Bild 11 von 12. Claudio Sedivy ha fundà il 2013 ensemen cun Tom Strobl la fatschenta Wildbiene und Partner che producescha ils BeeHomes. Bildquelle: RTR, Angela Hendry.
-
Bild 12 von 12. Flurin Filli, biolog e protectur da l'ambient. Bildquelle: RTR, Angela Hendry.
Tar la pussaivladad da zambregiar u da cumprar in «hotel d'avieuls», plazzeschan ins ina chasina da lain speziala en ses iert. Tscherts furniturs na porschan betg mo in chasa per avieuls, mabain er ina populaziun da start da 25 cucuns. Suenter ch’ils avieuls èn sgulads quatter enfin sis emnas ed han procurà per descendents, moran els. Las chasas vegnan silsuenter tramessas enavos a la fatschenta. Lezza prenda ils cucuns e metta quels sur enviern en ina sort frestgera. La primavaira survegnan ils possessurs dals «hotels d’avieuls» puspè 25 cucuns. Purs da pumicultura pon dentant era laschar trametter avieuls. Uschia fructifitgeschan ils avieuls las plantas e procuran per dapli racolta.
Per ils ins è quai in buna chaussa en favur d’animals e natira. Auters, sco il biolog Flurin Filli, fan divers segns da dumonda en connex cun questa pratica.
RR Marella 09:00