L'uniun «la pendenta» a Mustér survegn dal chantun Grischun maximalmain 586'000 francs per la punt pendenta planisada tranter Mustér e Mumpé Medel. Quai ha la regenza communitgà oz.
Il project è taxà cun radund 2 milliuns francs. La punt planisada rinforzeschia il turissem da viandar en la Surselva, uschia vegnian tant la «Senda Desertina», sco era la ruta istorica «Via Francisca del Lucomagno» che maina da Constanza en Germania fin a Pavia en l'Italia, ad ir sur la punt vi.
Per quai motiv, sco era perquai che la punt ha tenor la regenza potenzial da daventar in' attracziun turistica, haja la punt ina muntada speziala per il chantun. En quest connex numna la regenza er il fatg che la punt fiss la pli lunga punt pendenta dal Grischun.
audio
Per tadlar: las novitads da las 09:00
ord RTR Audio dals 30.11.2023.
laschar ir. Durada: 2 minutas 36 Secundas.
