Sco mintg'onn midain puspè l'ura. Ma per in'ura enavant u tuttina enavos? La schliaziun datti prest, emprim vulain ina giada testar Tia savida tar quest tema:
Sin il temp d'enviern – pia il temp da standard – midain la notg da sonda sin dumengia. Lura vegnan a las 03:00 las uras messas enavos sin las 02:00. E nus gudagnain in'ura! In di da 25 uras – durmir in'ura dapli. Ma betg emblidar ch'igl è la primavaira exact per quell'ura ina notg pli curta.
Il temp original è quel da l'enviern
Oriundamain è il temp da la Svizra – e da l'entira Europa Centrala – il temp d'enviern. Quel correspunda al temp universal (UTC) +1 ura. Cun il temp da stad stauschan ins mintga primavaira il «cler» vers la saira. La stad è la levada dal sulegl pia pli tard, e nus avain uschia pli ditg cler la saira. Oriundamain è il motiv per introducir il temp da stad stà da spargnar energia la saira. Ed uss la fin october vulvain quai puspè e turnain tar il temp da standard.
Or da l'archiv
