La Confederaziun quinta il 2022 cun in surpli per il maun public. 6,9 milliardas francs surpli vegnian surtut dals chantuns e da las assicuranzas socialas. La Confederaziun haja scrit cifras cotschnas.
Ils chantuns e las assicuranzas hajan fatg in plus da mintgamai 5 milliardas francs
La confederaziun in minus da 2,9 milliardas francs
Las vischnancas in pitschen minus da 200 milliuns francs
La raschun per il surpli dal maun public saja che l'economia saja sa revegnida bun da la pandemia, di l'administraziun federala da las finanzas ch'ha er publitgà las cifras.
Er 2023 e 2024 spetgà in plus
Per quest e l'auter onn quinta l'Administraziun da finanzas federala medemamain cun in resultat positiv. Puspè vegnia cunzunt a dar in surpli davart da las assicuranzas socialas ed ils chantuns. Las pli grondas ristgas per las finanzas publicas sajan las crisas geopoliticas, ils pretschs d'energia e da materia prima.
