Il parlament ha terminà la debatta davart la lescha da covid-19. Las duas chombras èn sa cunvegnidas e suondan a la proposta da la conferenza d'intermediaziun. Ils Cussegl dals chantuns ha approvà la proposta cun 42 vuschs affirmativas, 0 en disfavur e 0 abstenziuns. Làsuenter ha era il Cussegl naziunal approvà la proposta cun 138 gea a 49 na cun ina abstenziun. Opposiziun hai dà da la vart da la PPS.
Confederaziun paja puspè tests
Uschia ha il parlament prolungà la lescha fin la fin dal 2022 e fatg differentas midadas, tranter auter che la Confederaziun surpiglia puspè ina part dals custs per ils tests da corona. Pajads vegnian lura test svelt d'antigens sco er pool-tests da PCR sin basa da spida. Na betg pajads vegnian tests da PCR singuls per persunas senza simptoms, sco er autotests e tests d'anticorpuls.
