Circuls ch’èn datiers a l’economia pretendan che persunas ch’èn en la gruppa da risico vegnan isoladas consequentamain. Quai cun la finamira, ch’il rest da la populaziun pudess lavurar e far cumpras tut normal.
Nagin'opziun per Cussegl federal
A quai dat la presidenta da la Confederaziun Simonetta Sommaruta cunter. Envers il «Sonntagsblick» ha ella ditg, ch’i saja nunimaginabel dad isolar tschertas gruppas socialas en Svizra. Plinavant na saja «gnanc pussibel» da separar tantas persunas.
Concept da protecziun
Cura che las mesiras cunter la pandemia vegnian puspè schluccadas , dovria quai in concept da protecziun. Quel saja necessari per evitar ch’il dumber d’infecziuns na creschia betg puspè. I giaja per temas sco purtar mascras da protecziun, uschia la presidenta da la Confederaziun vinavant.
