Il privel ch’ins fetschia en il cumbat cunter il coronavirus in pass enavos na dastgia betg vegnir sut-valità. Quai ha ditg il cusseglier federal, Alain Berset, en ina intervista da las publicaziuns da CH-Media. Svizras e Svizzers stoppian cunzunt sur ils dis da Pasca mantegnair la disciplina. Uschiglio creschia il dumber da novas infecziuns puspè.
Plinavant n’ha Berset betg sclaus ch’il Cussegl federal vegnia a cussegliar da purtar en tschertas situaziun ina mascra, cura che las mesiras vegnian schluccadas. Il mument na fetschia quai betg senn che persunas saunas portian ina mascra. Tgi che veglia possia dentant purtar ina tala mascra.