Inundaziuns en il Pakistan - Chadaina da Fortuna dumonda da far donaziuns

Impressiuns da las inundaziuns en il Pakistan

Las inundaziuns actualas en il Pakistan èn desastrusas. In terz dal pajais stat sut l'aua, bunamain in milliun chasas èn vegnidas destruidas u donnegiadas fermamain. Tenor indicaziuns da la Regenza èn var dus milliuns hectars surfatscha da cultivaziuns vegnids devastads. I sa tracta da la pli ferma plievgia da monsun dapi 30 onns ed ina consequenza da la crisa da clima.

Las consequenzas umanitaras per la glieud èn dramaticas e vegnan a sa tegnair a lunga vista. Ina gronda part da la populaziun ha pers ses dachasa e la basa da viver. Plinavant pudess la mancanza da mangiativas e dad aua da baiver netta manar a malsognas e sutalimentaziun.

Tge vegn fatg cun ils daners?

Sco che la chadaina da la fortuna scriva ils 9 da settember ha ella en l'emprims 10 dis suenter la publicaziun da l'appel gia survegnì donaziuns en valur da passa dus milliuns francs.
Cun ils daners rimnads vul la Chadaina da fortuna sustegnair uschè spert sco pussibel projects da partenaris sco per exempel Helvetas ubain Solidar Suisse. Uschespert che la glieud è en segirtad, vegn l'agid focussà sin la repartiziun da nutriment, l'access ad aua da baiver e products necessaris per viver e sin la prevenziun da ristgs da sanadad.