L’iniziativa da franar ils custs da sanadad da l'AdC pericliteschia il provediment da sanadad. In comité independent cunter l’iniziativa avertì d’ina medischina da duas classas. L’iniziativa na sclereschia betg co reducir ils custs.
Uschia stoppian las cassas da malsauns sa referir en l'avegnir sin in viertgel dals custs, han represchentantas e represchentants da la partida populara, da la partida socialdemocratica, la partida liberaldemocratica e da la partida verd-liberala e da la Verda annunzià. Uschia vegnian pazientas e pazients a stuair pajar sezs lur visitas tar medias e medis. L'iniziativa na prevesia naginas mesiras da propi reducir ils custs en il sectur da sanadad.
Lantschà l’iniziativa ha l’Allianza dal Center. Ella pretenda tranter auter che las premias creschan be uschè fitg sco l’economia e las pajas. Creschan ils custs mintg'onn pli fitg che las pajais sto la Confederaziun prender mesiras per sbassar ils custs. Quai avess lura da succeder ensemen cun ils chantuns, las assicuranzas da malsauns ed ils furniturs da prestaziuns. Cun l'iniziativa vegnian ins finalmain a realisar mesiras concretas per franar l'explosiun da las premias.
