Tut ils chantuns han ditg Na a l'iniziativa da rentas che vul augmentar pass per pass la vegliadetgna da pensiun sin 66 onns fin l'onn 2033. En tut han 74,7% ditg Na e be 25,3% Gea.
Iniziativa da rentas
Svizra: Iniziativa dal pievel «Per in provediment da vegliadetgna segir e duraivel» (iniziativa da rentas)
-
GEA
809'385 Vuschs
-
NA
2'392'384 Vuschs
Vuschs dals chantuns
- GEA
- Na
Participaziun auta
La participaziun svizra è tar passa 58%. Sch'ins guarda sin la media svizra dals ultims onns è quai fitg aut. En la grafica suandanta cumpiglia il 2024 las cifras da questas duas votaziuns da l'AVS.
Nagina schanza per l'iniziativa da rentas en il Grischun
Er en il Grischun è la chaussa stada clera: La maioritad da 73,43% ha refusà e be 26,45% han ditg Gea a l'iniziativa che vul auzar la vegliadetgna da pensiun per umens e dunnas pass per pass sin 66 onns enfin il 2033. La participaziun grischuna è stada auta cun bunamain 56%.
Il sguard sin la carta grischuna mussa che insumma nagina vischnanca sustegna l'iniziativa – pia en tut las 101 vischnancas hai dà in Na dal suveran e quai per part cleramain. La pli gronda schleppa per l'iniziativa hai dà a Ferrera cun bunamain 87% encunter, era a Sufers e Buseno hai dà in Na cler cun passa 85%.
