Tenor quai quintan las interpresas dumandadas che las pajas s’augmentian ils proxims onns en media per 2% ad onn. Il medem temp quintian ellas dentant era cun ina chareschia da passa 2%. Las pajas realas vegnian pia a restar sin il medem nivel u schizunt a sa reducir. La KOF scriva d'ina «runda da nulla».
Fatg part da la retschertga represchentativa il fanadur han radund 4’500 interpresas da l’entira Svizra.
Excepziun gastronomia
Tenor la retschertga quintan branschas betg orientadas a martgads internaziunals cun pli gronds augments da paja. Uschia quintian ins en la gastronomia cun in augment da paja da var 3,8% en media per ils proxims 12 mais. Là possian ins pia spetgar ch'era la paja reala s'augmenta.
En il sectur da l'industria vesi dentant or auter. Là sajan ils augments prognostitgads sut 2%. Uschia vegn la paja reala a restar u schizunt a sa reducir.
Adattà al tema
