Ils pretschs d’energia creschan en Svizra. Quai ha consequenzas per ils custs accessorics da locaziun – e tutga er persunas che retschaivan agid social. La Conferenza svizra da l’agid social «Skos» vesa in basegn d’agir. Quai scriva il «SonntagsBlick».
Rembursar custs supplementars
La «Skos» recumondia als chantuns da rembursar cumplettamain ils custs accessorics da locaziun pli auts a persunas che retschaivan agid social – quai er sche las limitas previsas vegnian cun quai surpassadas. Er la chareschia sin il basegn elementar duaja vegnir cumpensà, uschia il mainafatschenta da la «Skos», Markus Kaufmann. Tar il basegn elementar tutgan per exempel victualias e vestgadira.
