Il Cussegl federal refusa da prender mesiras immediatas per distgargiar la populaziun dals pretschs per benzin e diesel ch'èn creschids. Ins saja conscient da las sfidas che quai muntia, da prender mesiras na dettia il mument però nagina raschun. Uschia hai num en ina resposta dal Cussegl federal sin pliras moziuns da parlamentarias e parlamentaris burgais.
Pervia dals pretschs volatils ed il svilup intschert aveva il Cussegl federal gia installà avant intginas emnas ina gruppa da lavur cun ils departaments pertutgads. Là vegnia examinà permanentamain sch'i dovria mesiras. Il parlament tracta las moziuns en sia sessiun extraodinaria il zercladur.
