Cumpareglià cun il zercladur, è l'inflaziun ida enavos il fanadur per 0,1% sin 1,6% . Ils economs dumandads da l’agentura da novitads AWP avevan quintà cun pli u main quest svilup – cun inditgar valurs tranter 1,5 ed 1,6% .
Ils emprims trais mais da l'onn era la chareschia anc s’augmentada sin 3,4% , quai surtut pervia dals pretschs pli auts per electricitad e sgols. Dapi lura èn ils pretschs però puspè ids enavos constantamain.
Las venditas han influenza
Il fanadur han tranter auter vestgadira e chalzers custà pli pauc, en il rom da la vendita parziala. Dentant era il sgular e viadi pauschals a l'exteriur èn vegnids pli bunmartgads. Custà dapli il fanadur han dentant la parahotellaria, ed il prender en locaziun vehichels.
Or da l'archiv:
audio
Co è l'inflaziun sa sviluppada ils davos tschient onns?
ord Il Digitip - il tip digital dals 22.08.2022.
Maletg: RTR, Florian Monn
laschar ir. Durada: 3 minutas 47 Secundas.
