Il favrer èn abitaziuns da proprietad vegnidas inseradas en media per 8’156 francs il meter quadrat. Quai è tenor l'index da Swiss Real Estate Offer 1,4% dapli. Er tar las chasadas dad ina famiglia èn ils pretschs creschids per 0,8% sin 7’241 francs il meter quadrat. Ils tschains èn creschids il favrer per 0,6%.
Be sch'il tschains s'augmentass massivamain e cun quai er ils custs da finanziaziun, pudess la spirala vegnir franada, hai num vinavant. Pervi da las malsegirezzas geopoliticas pudessan las bancas en Europa e la Svizra dentant vinavant restar tar il medem tschains directiv, manegia Immoscout 24.
Pli auts tschains chasa il favrer
Ils tschains chasa èn s'augmentads il favrer per 0,6%. Sur tut en la regiun da Turitg è l'augment stà fitg aut, cun radund 1,6%. Pli pauc ferm èn ils tschains s'augmentads en il nordvest da la Svizra (+0,7%), en la Svizra Centrala (+0,6%) ed en la Svizra Bassa (+0,4%). En la regiun enturn Genevra ed en la Svizra da l'Ost èn ils tschains restads quasi medems (+0,1%), fertant ch'ils tschains èn sa sminuids en il Tessin per 0,6%.
