Per survegnir daners ston ellas dentant ademplir divers criteris. Tranter auter ston ils patruns da construcziun garantir in tschains da locaziun raschunaivel. Mo uschia possia il fond d’abitaziuns gidar per ch'i dettia en la citad da Turitg dapli abitaziuns d'utilitad publica, di il departament da finanzas. Gist per quest motiv sustegnia la citad uss er en emprima lingia projects pli gronds, nua che bleras persunas chattian pli tard in nov suttetg.
Patruns da construcziun pon s'annunziar cun in formular online. Sch'i va per in sustegn finanzial da pli pauc che 10 milliuns francs po il cussegl da la citad decider en atgna cumpetenza. Vai per dapli daners sto il parlament dar glisch verda. Uschia statti scrit en la lescha che las votantas ed il votants da la citad da Turitg han approvà avant strusch dus onns a l'urna.
Critica da la PLD
Entant che l’uniun da las associaziuns cooperativas da construcziun da Turitg beneventan ils novs sustegns finanzials crititgescha la Partida liberaldemocratica da la citad da Turitg il fond. Da las abitaziuns pli favuraivlas possian mo ina pitschna part da la populaziun profitar.
Or da l'archiv:
