Fin la fin da l'onn pudessan enfin 120’000 persunas or da l'Ucraina vegnir en Svizra pervi da la guerra. La Svizra saja dentant preparada per dapli fugitivs, ha ditg la Cussegliera federala Karin Keller-Sutter a la «Samstagsrundschau» da Radio SRF. Quella cifra saja realistica cun quai che la guerra cundinuescha anc adina, è per part pli intensiva e cun quai che las temperaturas sa sbassan.
Ins haja adina quintà cun quella cifra, tar ils scenaris cura che la situaziun vegn mendra. Chantuns, vischnancas e la Confederaziun lavurian stretg ensemen. Trametter enavos persunas en l'Ucraina possian ins pir cura ch'igl haja ina «situaziun stabila da segirezza». Il minimum saja in armistizi, di Keller-Sutter.
Or da l'archiv
Ils davos dus onns èn ils Quadrins – las chasas da lenn construidas da l'interpresa Uffer da Savognin – vegnidas duvradas sco alloschi provisoric per las scolaras ed ils scolars da la scola chantunala. In temp èn els stads vits ed ussa libers per radund 80 fugitivas e fugitivs da l'Ucraina.