En il guaud svizzer è mintga otgavla planta morta e mintga quarta planta donnegiada, quai mussan ils resultats intermediars dal tschintgavel Inventari forestal naziunal dals onns 2018 enfin 2022.
Svilup negativ
Il pli grond augment da plantas mortas han ins constatà en il chantun Giura. Bunamain 50% dapli plantas mortas datti là, cumpareglià cun il 2018. Quai giascha vi da las lungas periodas sitgas e chaudas, tenor l'Uffizi federal per l'ambient e la natira.
In ulteriur problem è la regiuvinaziun dal guaud. Quai pertutgia cunzunt las alps ed il sid da las alps. I na creschian betg avunda plantas giuvnas, e quai po periclitar il guaud a lunga vista. El na possia uschia betg sa revegnir pli da stemprads e baus scorsa. Dapi il 1985 vegn il guaud svizzer inventarisà mintga 10 onns.
