60% da tut ils Svizzers e las Svizras sustegnessan la reelecziun da Viola Amherd. Sco gia il favrer è la ministra da defensiun sin l’emprim plaz da questa rangaziun. Sa meglierà dal terz sin il segund plaz è il president da la Confederaziun, Alain Berset. Quai mussa ina enquista da l'institut Leewas per incumbensa da Tamedia.
Cassis a la cua
Da nov sin il terz plaz è il minister d’energia Albert Rösti, anc avant la ministra da finanzas, Karin Keller-Sutter. Sin ils ulteriurs plazs suondan il minister da l’economia, Guy Parmelin (39% sustegnessan reelecziun), Elisabeth Baume-Schneider, la ministra da la giustia, ed il minister da l’exteriur Ignazio Cassis.
Cun l'entir Cussegl federal èn 48% cuntents u cuntentas. 50% èn cuntentas u cuntents cun il Parlament federal. En tut han bunamain 25'700 persunas da l'entira Svizra fatg part a la retschertga online dals 10 ed 11 da fanadur.
