Energia - «La Svizra na dastga betg desister d'ovras atomaras»

En Svizra dovria vinavant ovras atomaras. Quai ha l'istoricher d'economia Tobias Straumann pretendì en ina intervista cun la «Schweiz am Wochenende». Per l'ina duai la durada da las ovras atomaras existentas vegnir prolungada e per l'autra dovria era novs indrizs. I na giaja betg auter, ha ditg il professer da l’universitad da Turitg. Il basegn d'energia na possia betg vegnir cuvert mo cun energias regenerablas. En l’istorgia n’hajan ins anc mai desistì d’ina funtauna d’energia fidaivla senza savair co ins possia remplazzar quella. Da uss vulair far quai, saja in sbagl, uschia l’istoricher vinavant.