Il vaccin da corona da la firma Novovax è a partir dad immediat era lubì per uffants a partir da 12 onns. Er ina vaccinaziun da rinfrestgament cun Nuvaxovid per persunas creschidas è uschia a partir dad immediat pussaivla.
Swissmedic ha examinà las datas clinicas sin efficacitad, segirezza e qualitad – ed approvà quellas. Quai ha communitgà l’Institut svizzer per products terapeutics. Il vaccin pon ins dar cun duas dosas. Latiers duai la segunda dosa suandar trais emnas suenter l'emprima.
Nuvaxovid è l'emprim vaccin sin basa da protein ch'è vegnì lubì en Svizra. El cuntegn ina part betg infectusa dal coronavirus. Previs è el per umans che na fidan betg als vaccins dal tip mRNA.
