Las forzas liberalas gudognan. En tutta cas sin nivel federal.
Per las elecziuns en il Grischun munta quai che cunzunt il segund sez da la Partida socialdemocratica ballucca. Vegnan ils verd-liberals dal Grischun numnadamain da confermar il trend naziunal, pudessan els ir cun la plima. Tut dependa dentant da la tactica, concret da las colliaziuns da glistas.
Van ils verd-liberals puspè cun la sanestra? Datti forsa ina colliaziun burgaisa cun l’Allianza dal center ed la Partida liberaldemocratica? E tge fa la PPS dal Grischun?
Elecziuns federalas èn atgnamain elecziuns chantunalas. Tgi che vul avair success sto era preschentar candidatas valablas ed glistas cun persunalitads crediblas. Senza las dretgas testas na gida er la meglra tactica nagut. La fin finala vala quai da persvader las Grischunas ed ils Grischuns.
Adrian Camartin
Correspundent Chasa federala
