Las lavurs per rumir l'anteriur deposit da muniziun a Mitholz en il chantun Berna èn in pass vinavant. Las perfuradas en la gallaria dal deposit sajan terminadas, scriva la Confederaziun. Quellas hajan furnì infurmaziuns impurtantas areguard la situaziun e la quantitad da la muniziun: radund 30 tonnas muniziun sajan gia vegnidas rumidas. Sco proxim suondian las lavurs per proteger il territori da crappa che pudess crudar. Il deposit da muniziun vegn rumì pervi dal privel d'explosiun. La populaziun sto successivamain bandunar il vitg.
Sa basond sin las enconuschientschas da las exchavaziuns da sondagi – po il Departament federal da defensiun, protecziun da la populaziun e sport VBS ussa definir pli concretamain las mesiras da protecziun per tut las lavurs relevantas per la segirezza. En l'entir decurs da la rumida dettia adattaziuns, dentant nagins retards, hai num.
Uschia ha SRF rapportà:
