Las lavurs per rumir dal tuttafatg il deposit da muniziun Mitholz duain uss tuttina vegnir cuntinuadas tant pli spert. Perquai che pliras varts han fatg squitsch ha la cumissiun cumpetenta dal Cussegl naziunal revocà sia decisiun d'avant tschintg emnas.
Lura avev'ella anc decidì da sistir las lavurs per maximal in onn. Quai ha bloccà 50 milliuns francs per cumprar las chasas che ston vegnir rumidas. Tar la populaziun da Mitholz aveva quai sveglià malaveglia perquai ch'igl havess impedì da stgaffir insanua auter ina nov'existenza.
