Las rentas da l'AVS e l'Assicuranza d'invaliditad creschan l'onn che vegn per 2,5%. Quai ha il Cussegl federal decis. Per las rentas d'AVS munta quai:
- renta minimala crescha da 1'195 sin 1'225 francs al mais
- renta maximala crescha da 2'390 sin 2'450 francs al mais
Il Cussegl federal examinescha per regla mintga dus onns sch'i drova in'adattaziun da las rentas als svilups da pretschs e pajas. Quai è reglà uschia en la lescha d'AVS. Actulamein datti dentant moziuns pendentas en ils cussegls a Berna per adattar las rentas a la chareschia.
