Il Cussegl federal ha decis in pachet da 100 milliuns francs per rumir minas en l’Ucraina. E quai per ils onns 2024 enfin 2027. La Svizra duai giugar ina rolla da pioniera cura ch’i va per rumir minas en territoris civils ed agriculs en l’Ucraina.
Tenor il minister da l’exteriur Ignazio Cassis pudessan en l’Ucraina esser minas e projectils nunexplodids sin ina surfatscha ch’è quatter giadas uschè gronda sco la Svizra.
Sco il Cussegl federal scriva, vul el gidar a reconstruir l’Ucraina cun il pachet da sustegn. La Svizra mettia a disposiziun sia expertisa per dumagnar l’immensa sfida umanitara. La Confederaziun gida gia oz a rumir minas en l’Ucraina. Il 2022 e 2023 ha ella fatg quai cun bundant 15 milliuns francs.
