La secretaria da stadi partenta, Livia Leu, n'ha vis nagina meglieraziun en las contractivas cun l'Uniun europeica. Perquai saja ella sa retratga ils 10-05 . Quai scriva la «SonntagsZeitung».
La «Sonntagszeitung» sa basa sin notizas d'ina scuntrada dal matg tranter represchentants da Confederaziun, Chantuns ed economia. Tar quels èsi er vegnì tschantschà da contractivas puramain fictivas: Per ina nova cunvegna da basa na dettia nagina libertad d'acziun. A la Svizra smanatschia perfin che las cundiziuns vegnian mendras.
Tschertgà ina nova schefnegoziadra
Il secretari general dal departament d'affars exteriurs, Markus Seiler maina entant la cumissiun per chattar ina successiun per Leu. Tar ils favurits tutgan Alexandre Fasel, actualmain cussegliader per diplomazia da scienza a Genevra e Rita Adam, ambassadura per l'UE a Brüssel.
Las contractivas davart ina nova cunvegna da basa duain cumenzar en l'atun.
