Gia dapi 10 onns haja dà in scandal suenter l'auter. Tenor Monika Roth, ch'è stada professura a Luzerna, sajan ils problems adina stads ils medems: schletta organisaziun e fallads stimuls.
En vista a divers scandals giuridics e quels problems avess la Finma duì pretender da la CS da midar or il cussegl administrativ. Concret tschantscha Roth dad Urs Rohner, president dal cussegl davent da 2011 fin 2022.
Memia pauc controlla
Monika Roth è experta per l'uschenumnada compliance en il sectur da finanzas: quai è la partiziun en l'interpresa che controllescha ella. Ella fa la segira che l'interpresa tegn en las leschas e las directivas dal stadi.
La Finma dovria dentant er dapli cumpetenzas, di Monika Roth, per sa metter atras en da quels cas sco la Credit Suisse.
