La Credit Suisse ha fatg l'onn passà in gudogn net da 3,42milliardas francs – cleramain dapli ch'il 2018, nua che la CS aveva gudagnà 2,02 milliardas. Il 2018 aveva la banca gronda per l'emprima giada fatg in gudogn dapi il 2014. Ils acziunaris duain survegnir ina dividenda da 0,2776 francs per aczia. L'onn passà ha quella anc muntà a 0,2625 francs.
Il resultat che vegn preschentà per la davosa giada dal schef da concern Tidjane Thiam che banduna la banca è dentant favurisà da divers facturs spezials: Tranter auter ha la revalitaziun da la participaziun a la bursa svizra sco er la vendita d'ina immobliglia influenzà il resultat.
Ord l'archiv da SRF:
RTR novitads 08:00