La Credit Suisse ha il terz quartal da quest onn fatg marcantamain dapli gudogn che durant il medem temp da l'onn avant. Il gudogn net è s'augmentà da 424 milliuns francs l'onn passà sin 881 milliuns francs. Tenor communicaziun ha la banca gronda plinavant registrà in'afflusiun da novs daners en l'autezza da 12,8 milliardas francs.
Las cifras che la Credit Suisse ha preschentà la mesemna han superà tut las aspectativas dals analists. Per il quart quartal dal 2019 quinta la CS cun in regress stagiunal sco usità che stat en connex cun ils firads la fin da l'onn en tut las regiuns mundialas. A lunga vista vesa la banca sasezza dentant en ina situaziun attractiva che pussibilitescha da crescher a moda profitabla.
Ord l'archiv da SRF:
video
Credit Suisse führt Negativzinsen ein
Or da 10 vor 10 dals 18.10.2019.
laschar ir. Durada: 4 minutas 6 Secundas.
RR novitads 08:00