Ils chantuns èn tenor il cusseglier federal Alain Berset obligads da s’engaschar tar il «contact-tracing». Tenor la lescha d’epidemia saja la responsabladad per l’acziun tar ils chantuns. Quels sajan vid elavurar las capacitads per suandar las infecziuns, uschia Berset envers las gasettas da Tamedia. Uschiglio smanatschia il privel che la Svizra perdia la controlla da las chadainas d’infecziun. Quai stoppian ins dentant impedir.
Chantuns han anc in zichel temp
Ils chantuns hajan tar l'installaziun da l'app contact-tracing dentant anc temp. Uss l'entschatta da la stad hajan be paucas persunas sintoms da dafraid auter che tras la malsogna da Covid-19. Uschia possian ins testar savens e distinguer las persunas ch’han il coronavirus. Ils chantuns stoppian uss dentant sa preparar sin l’atun, cura ch'ina segunda unda smanatschai, uschia Berset vinavant.
