A la Baselgia catolica vegn renfatschà d’avair zuppentà cas d’abus sexual. Perquai haja la Conferenza dals uvestgs svizzers uss instradà ina inquisiziun. L'inquisiziun preliminara vegnia manada da l’uvestg da Cuira, Joseph Bonnemain, ha communitgà la Conferenza dals uvestgs svizzers.
En ina brev da la fin da matg haja dà renfatschas cunter plirs commembers activs ed emeritads da la Conferenza dals uvestgs svizzers ed ulteriurs spirituals. Quai pervi da lur agir en connex cun cas d’abus sexual. Ad intgins vegnia renfatschà da sezs avair commess tals crims.
En il focus da l’investigaziun preliminara stettian las renfatschas d’avair zuppentà, ha precisà la conferenza. Per investigaziuns pertutgant delicts sexuals sajan en emprima lingia la polizia e la procura publica responsablas.
Ord l'archiv
