Il viadi a scola po esser in'aventura, betg mo en la fantasia d'in uffant. Gia en Svizra è l'excepziunal per tscherts normalitad. Uschia per exempel per ils uffants ad Isenthal en il chantun Uri.
-
Bild 1 von 3Legenda: Betg il bus da scola: ils uffants d'Isenthal (Uri) van mintga di a scola cun quella funiculara. «Zambo Bus» SRF -
Bild 2 von 3Legenda: «Zambo Bus» da SRF ha accumpagnà ils trais uffants il 2020 sin lur viadi a scola. «Zambo Bus» SRF
-
Bild 3 von 3Legenda: «Zambo Bus» ha descrit quai uschia: il pli balluccant viadi da scola da la Svizra. «Zambo Bus» SRF
Quai è dentant betg il sulet viadi a scola selvadi en il chantun. Datiers, en il Maderanertal, va il viadi a scola tras in territori cun privel da lavinas. DOK da SRF ha accumpagnà la famiglia e tschantschà cun ils uffants.
-
Bild 1 von 2Legenda: Il viadi a scola ad Acherli, sur Bristen en il Maderanertal. A DOK han ils uffants ditg: «Sch'igl ha blera naiv, avain nus schon tema.» DOK SRF
-
Bild 2 von 2Legenda: DOK SRF
En l'Oberland Bernais ston ils uffants da la famiglia Rubin perfin descender radund 1'000 meters autezza per arrivar a la chasa da scola, rapporta «Der Bund». Sin lur viadi dovran els la senda da viagiar, ina funiculara, l'auto da posta e van sur ina punt.
Viadis da scola extrems
Ina retschertga dal radio tudestg ha mussà quant different ch'ils viadis da scola pon esser. Cun l'auto dals geniturs en scola a Los Angeles, u persul cun la metro a Stockholm, nua ch'uffants dastgan ir gratuit tut ils dis da scola.
U tras cuntradas vairamain selvadias a Kenia. L'avis da Eunice e ses frar Julius, sch'ins entaupa ina hiena sin il viadi a scola: «Sche ti curras davent, lura persequiteschan ellas tai. Sche ti bittas in crap sin ellas, laschan ellas dentant passar tai.»
Viadis a scola spezials sin il mund
-
Bild 1 von 5Legenda: L'emprim di da scola a Las Pinas city en las Filippinas, ils 16 da zercladur 2016. Keystone
-
Bild 2 von 5Legenda: Suenter las lecziuns sin la terra franca turnan ils uffants la saira a Seiland en la Norvegia. Ils uffants viagian cun la bartga che porta era las raubas essenzialas per l'insla lunsch en il nord. Keystone
-
Bild 3 von 5Legenda: Scolaras sin il viadi da scola ad Islamabad. En pajais cun in Islam fundamentalistic, sco en il Pakistan, èn mattas mintgatant excludas da la furmaziun. Keystone
-
Bild 4 von 5Legenda: In schuldà da l'armada israelita controllescha il satgados d'in uffant, ils 20 da november 2005 a Hebron. Keystone
-
Bild 5 von 5Legenda: Trais mattas sin via a scola a Delhi. Keystone
N'emporta betg, tge viadi a scola ch'in uffant ha, la vaira sfida spetga savens pir suenter: suandar l'instrucziun e chapir il nov mund cumplitgà cun bleras novas fatschas e novs pleds e concepts.