Il suveran svizzer approvescha la Lescha dal clima cun 59% da las vuschs.
Entant ch'ils chantuns da la Svizra romanda sco Neuchâtel (69,9%) u il Vad (69,5%) han approvà cleramain la Lescha, han ils chantuns da la Svizra Centrala Sviz, Sursilvania, Sutsilvania e Glaruna votà Na – il pli cler il chantun Sviz cun 57,5% da las vuschs. Er ils chantuns Turgovia e l'Appenzell Dadens han refusà il project. En 18 chantuns ha ina maioritad approvà la lescha. La quota da participaziun è stada tar 42,5%.
Lescha da clima
Svizra: Lescha davart la protecziun dal clima
-
GEA
1'381'133 Vuschs
-
NA
956'814 Vuschs
55% Gea en il Grischun
Il Grischun accepta la lescha davart la protecziun dal clima cun 55,47%. La participaziun è tar 39,85%.
Tranter ils resultats da las differentas vischnancas datti per part differenzas considerablas. Surtut en il Partenz ha ina maioritad votà Na entant che Cuira ha approvà il project cun passa 65% da las vuschs.
La lescha davart la protecziun dal clima
La lescha duai fixar che la Svizra daventia fin il 2050 neutrala al clima. Quai vul dir ch'ella na dastga betg pli emetter dapli gas cun effect da serra che quai ch'ella è buna d'absorbar (en furma da guauds u meds tecnics).
La nova lescha fixescha finamiras per reducir las emissiuns e duai garantir ch'ils meds finanzials vegnian investids a moda pli favuraivla al clima.