Ils top tschintg dals temas che occupan famiglias svizras il pli ferm:
- premias da cassas da malsauns 45%
- pretschs creschents 39%
- sanadad 29%
- custs d'abitar 24%
- scola/politica da furmaziun 23%
In trend dals ultims trais onns demussa che las tematicas diever da medias e medias socialas han gudagnà relevanza per famiglias svizras. Perencunter han la midada dal clima, protecziun da l'ambient e provediment e segirtad d'energia pers relevanza.
Differenzas regiunalas
Sper tematicas da finanzas che domineschan en tut las parts da la Svizra sa mussan tar il barometer da famiglias era differenzas regiunalas. En svizra tudestga tutgan scola e politica da furmaziun per mintga quarta famiglia tar ils temas che occupan il pli fitg. En Svizra taliana e franzosa èn quai mintgamai 13%. Per bunamain in quart da las famiglias da la svizra franzosa e 17% da la svizra taliana tutga violenza da giuventetgna tar las tematicas che occupan il pli fitg – en svizra tudestga è quai mez uschè blers.
Pretensiuns a la politica da famiglias
La mesadad da tuttas famiglias dumandadas pretenda ina reducziun da las premias da cassas da malsauns, 40% pretenda sustegn finanzial general per famiglias, 29% pretenda la megliuraziun da la promoziun da cumpatibilitad da professiun e famiglia. Sco mesiras concretas ch'interpresas pudessan prender per megliurar la cumpatibilitad da lavur e famiglia vegn numnada la pussaivladad da far telelavur e structuras da temp da lavur pli flexiblas.
