La claustra da Hauterive en il chantun Friburg ha lantschà in appel per chattar victimas d'abus. In commember da l'urden cisterziens duai avair tutgà avant decennis pliras dunnas a moda maldeschenta.
Els fetschian questa communicaziun cunzunt or da respect envers las victimas scrivan ils paders. I saja da supponer ch'i dettia dapli unfrendas. Il frater pertutgà ha bandunà l'onn 1996 la cuminanza e l'urden per maridar. Oz patescha el da demenza. L'emprim rapport d'avischinaziuns maldeschentas ha la claustra survegnì avant quatter onns.
