L'iniziativa lantschada il 2019 vul separar a moda consequenta zonas da construcziun e zonas che na pon betg vegnir surbajegiadas. La finamira è dad impedir che ulteriura surfatscha ordaifer da zonas da construcziun vegnian surbajegiadas. Puras e purs èn da l'avis che quai giaja memia lunsch e pledeschan per ina cuntraproposta indirecta.
Agricultura moderna pretenda edifizis moderns
Senza edifizis moderns na dettia er betg in'agricultura moderna, ha communitgà l'uniun. Da duvrar a moda spargnusa il terren saja gia uss obligatoric. Tuttina stoppia restar pussibel da construir edifizis moderns e dad engrondir tals. Manegià concret èn stallas, ierts sut vaider, sustas e deposits – ma er bajetgs per energia ed edifizis per la vendita. I saja impurtant ch'edifizis possian vegnir construids datiers da cultiras ed animals.
Lantschà l'iniziativa per la cuntrada han organisaziuns per l'ambient.
