Per l'agricultura datti damain daners, ma betg uschè paucs sco previs oriundamain. Per ils onns 2026 fin 29 propona il Cussegl federal 13,8 milliardas francs – quai èn 1,6% pli pauc che durant la perioda actuala. En ses conclus oriund aveva il Cussegl federal schizunt vulì scursanir ils meds per 2,5%. La decisiun finala ha il parlament.
Porscher dapli meds per adattar l'agriculura a sfidas climaticas è ina finamira dal Cussegl federal. Uschia duai il provediment alimentar pudair vegnir garantì er en l'avegnir. En vista a la situaziun critica da las finanzas federalas è el dentant da l'avis ch'era l'agricultura stoppia spargnar per distgargiar il budget ordinari.
Or da l'achiv:
video
Agricultura neutrala al clima
Or da Telesguard dals 06.05.2022.
laschar ir. Durada: 1 minuta 49 Secundas.
