Il suveran svizzer ha approvà en maniera ordvart clera la tariffa da taglia minimala per concerns gronds internaziunals. 78,5% da las persunas ch'èn idas a l'urna han votà Gea. E tut ils chantuns han approvà la tariffa da taglia cun almain 70% da las vuschs, quai tar ina participaziun da 42,4%.
Tariffa da taglia minimala per concerns gronds
Svizra: Tariffa da taglia minimala per concerns gronds internaziunals
-
GEA
1'803'174 Vuschs
-
NA
495'277 Vuschs
Vuschs dals chantuns
- GEA
- Na
Il Grischun approvescha cleramain la taglia cun 78% Gea
Tut las vischnancas grischunas han approvà la tariffa da taglia minimala per concerns gronds internaziunals. Prest 78% dals votants e da las votantas en il Grischun han ditg Gea. La participaziun è stada tar var 40%.
Ad Andeer han gist 96% approvà il project da votaziun. Ed er en vischnancas cun dapli resistenza sco Luzein en il Partenz, hai dà in Gea cler da 64%.
Grischun: Tariffa da taglia minimala per concerns gronds internaziunals
GEA 77.71%, Na 22.29%Resultat
Tariffa da taglia minimala per concerns gronds internaziunals
L'Organisaziun da cooperaziun e svilup economic, OECD ha decidì l'october 2021 d'adattar la taxaziun da gronds concerns internaziunals. Da nov duain quels pajar almain 15% taglia sin lur gudogns. La realisaziun da questa tariffa da taglia minimala per concerns gronds duai succeder en Svizra cun ina midada da la Constituziun federala. Talas midadas vegnan adina davant il pievel.
