- Per millis da giuvnas e giuvens ha quests dis cumenzà ina nova fasa da la vita – l'emprendissadi. Quel ha era cumenzà en il Grischun. Tenor cifras da l'Uffizi per la furmaziun professiunala èn 1'616 contracts d'emprendissadi vegnids suttascrits fin la fin da fanadur. Las experientschas dals onns passads mussian entant che fin 200 ulteriurs contracts vegnian anc suttascrits ils proxims trais mais. Bun 200 giuvnas e giuvens han cumenzà l'avust in emprendissadi mercantil – tants sco en nagin'autra professiun. Sin plazza dus suonda la professiun sco spezialista u spezialist da sanadad.
- La suprastanza communala da Tujetsch na vegn betg pli a persequitar vinavant il project per ina tur da lain tar la ruina dal casti da Putnengia a Dieni. Quai scriva la vischnanca da Tujetsch en la gasetta locala la Tuatschina. La radunanza da vischnanca dals 22 da matg aveva decis en ina stretga decisiun che la vischnanca possia s’engaschar administrativ per il project, tuttina manchia il sustegn per il project e sin fundament da pliras objecziuns saja la decisiun crudada da betg pli persequitar il project, uschia la suprastanza.
- L'hotellaria en il Grischun ha nudà il zercladur passa 352'000 pernottaziuns. Cumpareglià cun la medema perioda da l’onn passà saja quai in lev minus da 0,6% – scriva l’Uffizi per economia e turissem dal Grischun. Il dumber da giasts svizzers saja sa reducì per bunamain 2% sin 215'000. En l'entira Svizra sajan las pernottaziuns percunter s’augmentadas il zercladur per passa 2% sin 4,1 milliuns. Il dumber da giasts da l'exteriur saja s’augmentà per 5% sin 2,2 milliuns.
Themen in diesem Newsticker
- Obligaziun da far buglir l’aua a Starlera
- Chasti da milliuns per Glencore
- 1'616 giuvens e giuvnas han cumenzà lur emprendissadi en Grischun
- Vischnanca da Tujetsch na s'engascha betg per tur da Putnengia
- Seewis: chattà bara d'in alpinist sparì
- L'Hotel Belfort ad Alvagni ha in nov possessur
- Flumserberg: Lufs han attatgà chaun da protecziun
- Traffic: 10 kilometers davant il Gottard
- Demonstraziuns en il Bangladesch cun almain 300 morts
- Allianza cunter la refurma da las cassas da pensiun
- Intschertezzas als martgads da finanzas
- In zic pli paucs giasts ch'avant in onn
- En Svizra datti memia paucs medis d’uffants
- Il Mali ha rut giu las relaziuns diplomaticas cun l’Ucraina
- Venezuela: UE fa dapli squitsch, opposiziun preschenta documents
- Attatgas sin centers d'asil en Gronda Britannia
