Grazia fitg a tuttas e tuts ch'èn sa participads a la concurrenza, da Tujetsch enfin Müstair. Uss ha la sort decidì.
Cussegliar, infurmar, sensibilisar per dapli biodiversitad en curtin. Cun questa «missiun» sa metta l'experta ed amatura da la natira Constanze Conradin pia sin viadi da Ramosch en l'Engidina Bassa vers Danis en Surselva.
Ermano Tuor ha annunzià ses curtin cun ils pleds:
Nus avain in grond curtin e là avessan nus massa plaz da far insatge per la biodiversitad.
In pau hai jau gia fatg ma igl è adina bun sch'insatgi vegn e vesa quai auter, forsa vegn quel u quella cun ina buna idea.
Sin il program da l'avantmezdi stat tranter auter:
- Il sguard sin il curtin: Tge è gia bun? Tge pudessan ins far? E tge dumondas e giavischs ha Ermano Tuor?
- Ina visita tar in ortulan en la regiun per cumprar intginas chaglias/plantas che promovan la biodiversitad ed èn adattadas per il curtin a Danis.
- Tips, trics e cussegls tge ch'ins pudess uschiglio anc realisar en il curtin. Sco p. ex. gnieus per avieuls selvadis, laschar crescher ina part dal pastget etc.
Tut quai capita a maun da l'exempel concret, il grond curtin a Danis. Accumpagnà sin ils chanals dad RTR en las medias socialas sco er sin rtr.ch e da las 11:00 a las 12:00 live al radio.
- Dapli dal project «Missiun B» .
- Registrai Vossa surfatscha biodiversa sin missiunb.ch .
- As participai a nossa gruppa sin Facebook .