- Che l’onn 2024 è in onn cun aura turbulenta sentan era las viticulturas e viticulturs dal Signuradi. Cumenzà cun ina primavaira fitg miaivla e terminà cun ina stad plitost fraida. Era han las malauras dal matg e zercladur chaschunà temperaturas bassas e blera plievgia. Tuttina tira Walter Fromm, il cumissari da viticultura dal Grischun, ina bilantscha zunt positiva la qualitad dal vin saja fitg buna era grazia a temperaturas optimalas las davosas emnas.
- La milissa radical islama libanaisa Hisbollah conferma che ses schef Hassan Nasrallah saja mort. Avant aveva l'Israel gia communitgà che Nasrallah saja vegnì mazzà durant in'attatga israeliana en la citad libanaisa da Beirut. Tge consequenzas che la nova vegn ad avair en la regiun n'è entant anc betg cler.
- La para-ciclista svizra Flurina Rigling ha gudagnà sia segunda medaglia d'aur als campiunadis mundials da ciclissem e para-ciclissem a Turitg. Suenter sia victoria en la cursa cunter l'ura ha la Turitgaisa era gudagnà la cursa sin via en la categoria C2. Ed era gia ina segunda medaglia als campiunadis mundials da ciclissem e para-ciclissem hai dà per Franziska Matile-Dörig. L'Appenzellaisa ha gudagnà argient en sia categoria en la cursa sin via.
Il di en survista:
Themen in diesem Newsticker
- Ballape: resultats da la Super League
- Juso pretenda sistem da sanadad solidaric e cassa unitara statala
- Sconfitta per ils clubs da hockey engiadinais en segunda liga
- Reacziuns sin la mort da manader da Hisbollah Nasrallah
- HCD gudogna cunter Zug cun 6:2
- Resultats dal ballape regiunal da la sonda
- Citad da Cuira tira bilantscha positiva da la Schlagerparade 2024
- HCD Ladies perdan cunter EV Zug
- Schef da Hisbollah Hassan Nasrallah è mort
- Alvra dat ulteriurs 1,8 milliuns francs per rempar cunter crappa
- Motociclist blessà suenter collisiun frontala a Tavau Glaris
- Segund aur per Rigling al campiunadi mundial da ciclissem
- 10 kilometers colonnas al Gottard
- Militar israelian ha para mazzà commember aut da Hamas en Siria
- President dal Tribunal federal demissiunescha
- Stadis Unids: stemprà «Helene» ha prì la vita a 40 persunas
- Israel ha cuntinuà la notg cun attatgas enturn Beirut
- Positiv prim fazit per la producziun da vin 2024 dal Signuradi
