- Uss è il provediment d’aua da la vischnanca da Domat collià cun la rait d’aua da Tumein. Uschia ha la vischnanca in’ulteriura funtauna d’aua. Els hajan pudì realisar cun success in project strategic per segirar la qualitad da l’aua da baiver da Domat e per augmentar la segirezza dal provediment. Uschia vegn il president communal Erich Kohler cità en ina communicaziun. L’aua da funtauna da Tumein cuvra var 60% dal basegn d’aua da Domat.
- Bain refusa il Cussegl federal l'iniziativa per ina societad pli inclusiva. Enstagl propona el dentant in pachet da mesiras sin il stgalim legal. Cun reveder la lescha veglia el rinforzar ils dretgs da persunas cun impediments, hai num dal Cussegl federal. Tar sia seduta il venderdi ha el gist prendì quatter decisiuns per l’egualitad da persunas cun impediments.
- En pli che la mesadad dals accidents sin pista en Svizra èn involvidas persunas sur 40 onns. Era lur quota il 2003 anc tar 39 pertschient, è quella stada il 2022 tar 56 pertschient. Quai communitgescha l'assicuranza d'accidents svizra Suva. Questas persunas hajan ina ristga pli auta per grevas blessuras e consequenzas a lunga vista. Mintg'onn sa blessan radund 35’000 persunas sin las pistas da skis en Svizra. Las raschuns èn tenor la Suva savens ina preparaziun manglusa, d’esser spussà u er da surstimar sasez.
Il di en survista
Themen in diesem Newsticker
- Quarta terrada: HCD perda cunter Kloten 3:4
- Eroplan da la Swiss sto sa tschentar a Graz pervi da fim
- Palaz d'Élysée dat enconuschent nova regenza
- Svizra schlargia sancziuns cunter la Russia
- Spar e TopCC cloman enavos tschigulatta da Dubai
- Anna Giacometti è nova presidenta da l'Uniun parcs grischuns
- Domat: provediment d'aua collià cun rait d'aua Tumein
- Tribunal federal: nagin veto tar ina procedura simplifitgada
- Plaz dus per Meillard
- Fundaziun Enderlin-Egi: dretgira GR refusa appellaziun da PPS
