- La sonda sin la dumengia hai brischà en ina chasa da duas famiglias a Breil. Suenter ch’in alarm è arrivà curt avant mesanotg tar la Polizia chantunala, han ils pumpiers stizzà il fieu e purtà in um or da l’abitaziun en il plaunterren. Senza success hajan ins empruvà da reanimar quel, communitgescha la polizia. Duas ulteriuras persunas che sa chattavan en la chasa ha l’ambulanza transportà en l’ospital regiunal a Glion. Quai pervi dal suspect d’ina tissientada da gas e per ulteriuras controllas medicinalas.
- Suenter sia victoria la sonda tar la cursa rapida en la Val Gardena, gudogna Marco Odermatt la dumengia gist anc il slalom gigant ad Alta Badia.
- Davent da la dumengia fin la vigilgia da Nadal ils 24 da december arriva blera naiv en ils culms. Localmain pon quai esser fin a 150 centimeters naiv nova. Dasperas buffan ferms vents la dumengia ed il glindesdi. Ed il privel da lavinas crescha, en parts da la Surselva è quel grond.
Il di en survista
Themen in diesem Newsticker
- Schef da regenza slovaca s'inscuntra cun Putin
- Grüsch è stà senza electricitad pervi da la naiv
- Cumbat electoral tudestg duai esser onest
- Malencurada e dumondas avertas
- La biatleta Lena Häcki-Gross vegn sin turas
- In um mora a Breil en las flommas
- Odermatt va er en il slalom gigant il meglier
- Friburg-Gottéron trametta ses trenader Pat Emond
- Nagin super-G da la cuppa mundiala a San Murezzan
- La Swiss betg cuntenta cun l’eroport da Turitg