- Responsabel per la petarda ch'è explodida l'emna passada en la scola Giacometti a Cuira è in scolar da la superiura, scriva la Polizia chantunala. L'explosiun aveva blessà duas scolaras. 44 ulteriurs uffants èn vegnids tractads en l'ospital pervi da problems cun l'udida.
- Il president communal da Glion, Marcus Beer, ha confermà envers RTR ch'el vul restar en uffizi per in'ulteriura perioda. Sper il presidi communal elegia la populaziun da Glion ils 18 da matg era la suprastanza ed il parlament communal.
- La cunvegna tranter la Svizra e l'Uniun europeica na vegn tut tenor betg mo tractada da las instituziuns da l'UE, mabain era dals parlaments naziunals dals stadis da l'UE. Questa dumonda stoppia anc vegnir sclerida, ha il pledader da la cumissiun ditg sin dumonda da l'agentura da novitads Keystone-SDA.
Themen in diesem Newsticker
- Olaf Scholz crititgescha truppa da pasch europeica per l'Ucraina
- Accident d'aviun a l'eroport da Toronto
- Cardiochirurgs da Berna cun nov record per transplantaziun da cor
- Terra ha stremblì en il Portugal
- Disturbi da Sunrise en Engiadina Bassa
- Tractament da l'infecziun respiratorica dal papa cuntinuescha
- Conservativs e sozial-democrats en l'Austria discurran puspè
- Igl n'è anc betg daltut cler tgi che tracta la cunvegna cun l'UE
- Il 2024 hai dà 8% pli paucas dumondas d'asil
- Scolar da la superiura stat davos l'explosiun cun ina petarda
Tge spetga damaun?
Il mardi s'inscuntra il minister da l'exteriur russ, Sergej Lawrow, en l'Arabia Saudita cun represchentants da la regenza americana per preparar l'inscunter suprem tranter Trump e Putin, ha l'uffizi presidial russ confermà. Lez veglian discutar pussaivladads per ina fin dal conflict en l'Ucraina. L'Ucraina na vegn tenor Selenski betg a sa participar als discurs.