- La vischnanca da Samedan na dat nagina garanzia da deficit al campiunadi mundial da freestyle che ha lieu il 2025 sin il Corvatsch, a Corviglia ed a San Murezzan. Quai ha la suprastanza communitgà. Cun la votaziun dal pievel haja la vischnanca gia concedì passà in mez milliun francs. Quels vegnan sco cumpart da quatter milliuns francs che tut las vischnancas da la regiun Malögia pajan. Uss veglian ils organisaturs ina garanzia da deficit da las vischnancas – da Samedan fissan quai 255'000 francs. La suprastanza è però da l'avis ch'ils organisaturs stoppian mussar meglier co minimar u evitar in tal deficit ed organisar sin autras vias quels daners. Er duess in eventual deficit vegnir purtà da las trais vischnancas principalas e betg da l'entira regiun, uschia l'avis da la suprastanza da Samedan.
- La vischnanca da Tumein dovra in nov president u ina nova presidenta communala. Il president actual, Martin Wieland, sa retira anticipadamain da ses uffizi. La raschun saja ina debatta offendenta ch'i haja dà en connex cun ina garanzia da passa tschintg milliuns francs per la Rhiienergie. Envers el regia disfidanza, scuidanza e memia pauc chapientscha per sia posiziun. Quai scriva la Südostschweiz che ha invista en sia brev da demissiun. Martin Wieland è dapi il 2019 president communal da Tumein.
- Ils chors grischuns han gì success a la concurrenza internaziunala da chors a Kalamata en Grezia. L'ensemble vocal Incantanti ha gudagnà en la categoria chors da giuvenils e ses dirigent Christian Klucker ha survegnì in premi spezial per sia lavur sco dirigent. Il Chor da giuvenils grischun ha survegnì mintgamai in diplom en las categorias musica sacrala e chorsa maschadads.
- Suenter 46 onns n'è nagin Svizzer e nagina Svizra pli en tranter ils e las meglras 100 dal mund en il tennis. Ils 14 d'october èn er ils ultims dus Victorija Golubic ed Alexander Ritschard crudads or dals top 100. Il 1978 eri reussì a Heinz Günthard da far il pass tranter ils megliers e dapi lura fin uss è adina almain in u ina Svizra stada en ils top 100.
Il di en survista
Themen in diesem Newsticker
- Tavau: Resistenza cunter plans sin l'areal da l'anteriura clinica
- Glion: Vischnanca avess gugent aua ed electricitad da la claustra
- Novas da e per l'orbit
- Annia Tomaschett gudogna il final dal «shooting masters»
- Samedan: nagina garanzia da deficit per campiunadi da freestyle
- Israel vul para far murir da la fom civilists en Strivla da Gaza
- Svizzer vegn tschertgà pervi da smanatschas da bumba en l'Austria
- Visp: 2 persunas mortas pervi d'incendi
- Premi Nobel per scienzias economicas
- UE sancziunescha interpresas e persunas iranaisas
- Tumein dovra in nov president u ina nova presidenta
- China ha cumenzà cun in manever enturn il Taiwan
- Tennis: Ni Svizzer ni Svizra pli en ils top 100
- Dis da film a Turitg cun record da visitadras e visitaders
- Svizzers e Svizras pajan anc bler cun daner blut
- Stadis paupers han uschè blers daivets sco dapi 2006 betg pli
- Chors grischuns persvadan en Grezia
- Skateline Alvra ha memia pauc persunal per avrir
