- Ina gronda part da la glieud da Brinzauls, cumpridas persunas cun abitaziuns da vacanzas, preferissan Vazarouls, sch'els ston definitivamain bandunar il vitg. Quai resulta d'ina segunda enquista, fatga da la cumissiun abitadi, sco la vischnanca Albula/Alvra communitgescha. 15 chasadas han er inditgà en l'enquista d'avair interess da far ina translocaziun voluntara.
- Il vitg da Siat tutga da nov tar l'Inventari federal dals lieus svizzers d'impurtanza naziunala degns da protecziun. Quai ha il Cussegl federal decidì. Da l'autra vart vegnan plirs lieus grischuns stritgads or da l'inventari, uschia per exempel Sumvitg, Sagogn e Luven. Quai succeda, sch'ils maletgs dals vitgs n'han betg pli la qualitad necessaria.
- Las vischnancas da concessiun en l’Engiadina ed il chantun Grischun han incassà l’onn passà 26 milliuns francs tschains d’aua da las Ovras Electricas d’Engiadina. Quai han communitgà las ovras electricas da lur radunanza generala. Ellas han fatg 3,3 milliuns francs gudogn.
- Il Cussegl federal vul promover l’internet a bindel lad sin la champagna cun maximalmain 365 milliuns francs. El ha avert oz la procedura da consultaziun per ina nova lescha federala en chaussa. Il Cussegl federal vul impunder quests daners surtut en regiuns nua ch’ils concerns da telecommunicaziun n’hajan anc betg investì en l’infrastructura necessaria per motivs finanzials.
- Sco spetgà succeda Martin Pfister a Viola Amherd sco schef dal Departament federal da defensiun, protecziun da la populaziun e sport VBS. Quai ha communitgà la Chanzlia federala. El entra en uffizi il prim d'avrigl.
La survista dal di
Themen in diesem Newsticker
- Tavau cumenza ils playoffs cun ina victoria
- Malauras en la Toscana ed Emilia Romagna
- Skicross: Fanny Smith gudogna, Alex Fiva vegn segund
- Jessie Holmes gudogna «Iditarod»
- Lobists da Huawei na dastgan betg pli entrar il parlament da l'UE
- G7 vulan pausa da cumbat en l'Ucraina
- Germania: cumpromiss cun ils Verds davart defensiun
- Chantun Lucerna: tschintg umens han cugliunà cun tschains
- UE sto abolir sancziuns cunter tschertas persunas russas