- La situaziun dal chantun Grischun è solida. L'onn passà è sa resultà in plus da passa 84 milliuns francs tar il quint annual, quai suenter in plus da passa 120 milliuns francs il 2023. Sco quai ch'il chantun scriva sa basia il resultat positiv surtut sin dapli entradas da taglia. Era las dividendas pli autas da la Banca chantunala e tschains d'aua hajan però contribuì ina part. La reducziun da pe da taglia da 100% sin anc 95% saja uschia supportabla.
- Il chantun Grischun rinforza la protecziun encunter catastrofas. Quai cun adattar las leschas davart la protecziun da la populaziun e la protecziun civila. La regenza grischuna ha deliberà las missivas correspundentas per mauns dal Cussegl grond. Las adattaziuns prevesan tranter auter che las vischnancas pon engaschar da nov explicitamain stabs directivs regiunals per dumagnar eveniments. En l'Engiadin'Ota e la regiun Moesa eran las vischnancas gia s'organisadas uschia durant la pandemia.
- L'autura da Ftan, Flurina Badel, survegn il Premi grischun da litteratura 2025 per ses emprim roman «Tschiera». Il premi è dotà cun 10'000 francs e vegn surdà il zercladur a Ftan.
- Roger Schawinski e Stephan Bühler na vulan betg acceptar che lur dumonda per la concessiun da lur radio privat en il Grischun è vegnida refusada. Els giajan perquai en revisiun, sco quai che Schawinski ha ditg envers il portal persoenlich.
La survista dal di
Themen in diesem Newsticker
- Losanna e Turitg gudognan ils emprims gieus da playoff
- Betg chattà um cun armas a Berna
- Las vuschs en Germania na vegnan betg dumbradas da nov
- En il Portugal vegn elegì in nov parlament ils 18 da matg
- Siglir cun skis: nagins Svizzers en ils top 10
- Armenia ed Aserbaidschan vulan far pasch
- Berna: Acziun da polizia pervi d'um cun armas
- Adina dapli cas da virustgel en l'Europa
- Putin è d'accord cun pausa da cumbat
- Flurina Badel survegn Premi grischun da litteratura per ses roman